Cila është sëmundja që rrezikon më shumë të prekurit me COVID19? Ja çfarë thotë ky studim

Pandemia e COVID19 ka pushtuar botën tashmë prej 6 muajsh.

Ditë pas dite vijojnë të dalin studime në lidhje me të infektuarit dhe simptomat që shkakton ky virus.

Së fundmi, një studim i Institutit të Shëndetit Publik italian tregon se periudha nga shfaqja e simptomave të COVID19 e deri te vdekja e një pacienti është mesatarisht 11 ditë.

Një periudhë e shkurtër kjo, në krahasim me atë që mendohej për shtetin italian, një nga vendet me numrin më të lartë të viktimave.

Por ka edhe një të dhënë tjetër përsa i përket sëmundjeve shoqëruese te personat që ndërrojnë jetë, ku 67% prej tyre vuajnë dhe nga hipertensioni arterial.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Diabeti ndërkohë ndjek me 30% të rasteve, bashkë me isheminë (27,8%) dhe probleme të tjera kardiake.

Në Itali, vetëm 1.1% i pacientëve që kanë ndërruar jetë nga COVID-19 ishin më të vegjël se 50 vjeç, dhe vetëm 83 pacientë, në një total prej 34 mijë viktima, ishin më pak se 40 vjeç.

Pra ky studim thekson se hipertensioni arterial i shton mundësitë që këta persona të infektuar, të humbin betejën me koronavirusin.