Parashikimi i motit/ Ditën e nesërme priten stuhi dhe shtrëngata

Moti për ditën e nesërme parashikohet të jetë me kthjellime dhe alternime vranësirash deri në orët e mesditës. Shërbimi Meteorologjik Shqiptar bën me dije se do të ketë edhe reshje shiu të dobëta dhe locale.

Nga mesdita deri në pasdite do të kemi reshje shiu me shtrëngata dhe stuhi, të përqendruara në relievet kodrinore-malore, në lindje të vendit.

Temperaturat e mëngjesit parashikohen të jenë 9ºC në zonat malore, deri në 16ºC në ato bregdetare.

Ndërsa temperaturat në pasdite priten të jenë nga 25ºC në relievet malore dhe 30ºC në zonat e ulëta e bregdetare.