LIGJET E BIZNESIT
Carlos Lehder Rivas, një prej bashkëthemeluesve të Kartelit famëkeq të Medelinit është ekstraduar në Gjermani, pasi kaloi 30 vite burg në SHBA.
Ai ishte ndër të parët që trafikoi kokainë nga Kolumbia drejt Shteteve të Bashkuara të Amerikës në vitet 1970-1980.
Sipas raportimit të Der Spiegel, Rivas mbërriti të martën në Frankfurt dhe iu dorëzua autoriteteve gjermane.
Rivas, i cili ka nënshtetësi kolumbiane dhe gjermane është dënuar nga Gjykata amerikane me 134 vite burg në 1987, por më vonë kaloi në programin e mbrojtjes së dëshmitarëve. Duke qenë se është dënuar një herë në SHBA nuk do të dënohet më në Gjermani.
Der Spiegel shkruan gjithashtu se Lehder, i cili nuk e ka fshehur kurrë admirimin e tij për Hitlerin, do të jetojë i ndihmuar nga një grup bamirësie në Gjemani.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
I lindur në Armenia të Kolumbisë, nga një baba gjerman dhe një nënë kolumbiane në vitin 1949, Lehder kaloi pjesën më të madhe të fëmijërisë në shtetin amerikano-jugor, para se të shkonte në Nju Jork në moshën 15-vjeçare kur prindërit e tij u ndanë.
Sipas raportimeve në mediat kolumbiane, ai u përfshi në botën e krimit në SHBA, ku u dënua për herë të parë në vitin 1973 për vjedhje makine. Në burg ai lidhi miqësi me trafikantin e drogës George Jung, të dy nisën rrjetin e trafikut të kokainës në SHBA.
Pasi u arratis për në Kolumbi kur DEA e shpalli në kërkim, Lehder u bë pjesë e Kartelit të Medelinit dhe operacioneve të Pablo Escobar. Në vitin 1987 bosi i drogës e spiunoi tek autoritetet kolumbiane dhe ai u arrestua, për t’u ekstraduar më pas në SHBA.
Raportohet se Lehder është sëmurë dhe udhëtimi i tij në Gjermani mendohet të jetë i fundit në jetën e tij.
