Grida Duma: T’i vendosim shqiptarët në pozita konkurrenciale

Ish-deputetja e PD-së, Grida Duma ka deklaruar se është pro listave të hapura.

E pyetur nga gazetarja Juli Xhokaxhi në lidhje me ndryshimin e sistemit dhe listat e hapura, Duma është shprehur se mbështet formulën e konkurencës. Ajo tha se listat e hapura janë hapi i radhës që duhen diskutuar, por më parë të garantohet vota e lirë.

“Do të preferoj gjithmonë, dhe do të bëj gjithmonë, ta çoj gjithë kontributin tim drejt konkurrencës. Por edhe në listat e hapura, kryetarët janë ata që rekomandojnë. Le të shkojnë dhe të votojnë shqiptarët për Grida Dumën, apo këdo që ia shohin emrin, ne duhet t’i vendosim në pozita konkurrenciale. Nuk jam e vetmja që kam folur për këtë formulë konkurrencialiteti, por qëndroj në kollonën që kjo nis nga vota e lirë. Listat e hapura duhet të jenë hapi i radhës që duhet diskutuar. Qëndroj plotësisht në linjën e ngulmimit të luftës që ne duhet të sigurojmë votën e lirë. Së pari duhet te garantojmë votën e lirë dhe më pas duhet te vendosin qytetarët me referendum për sistemin”, u shpreh Grida Duma.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern