LIGJET E BIZNESIT
Ditën e sotme u konfirmuan 50 raste të reja me koronavirus në vendin tonë.
Por edhe pse në krahasim me dje (82 raste) numri i të prekurve ishte me i ulët, Ministria e Shëndetësisë gjatë komunikimit të përditshëm zyrtar, bëri me dije se ka një rritje të të shtruarve në spital.
Kështu, gjatë 24 orëve të fundit numri i të shtruarve te Spitali Infektiv ka shkuar në 53 persona, ku 9 janë në terapi intensive dhe 3 të intubuar.
“Aktualisht në shërbimin infektiv po marrin shërbim 53 pacientë, 9 prej tyre janë në terapi intensive ndërsa 3 janë të intubuar. Në vendin tonë janë aktualisht 608 persona aktivë me COVID-19, kryesisht në Tiranë, Shkodër, Krujë”, thuhet në njoftimin zyrtar të MSH.
Por ministria ka gjithashtu dhe një apel të fortë për qytetarët.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Ky institucion ka bërë thirrje që të respektohen rregullat, dhe të vendosen maska kudo ku është e nevojshme.
“Ju lutemi respektoni rregullat. E vetmja mënyrë për të ndaluar përhapjen e infeksionit është duke ruajtur distancën fizike prej 1.5 metër nga njëri tjetri, duke ruajtur higjienën personale dhe duke larë duart vazhdimisht, bizneset dhe institucionet duke respektuar protokollet e përcaktuara. Maskat janë një domosdoshmëri për t’u mbajtur dhe mos i harroni kur dilni nga shtëpia. Vendosini ato kudo ku ambienti është i mbyllur, në spitale, qendra shëndetësore, dyqane, supermarkete, parukeri, taksi, ambiente pune, zyra shërbimesh. Familjarët e pacientëve në spitale të shmangin sa më shumë vizitat, të moshuarit kur është e mundur të shmangin kontaktet në qendrat shëndetësore, por të kontaktojnë me mjekun e familjes për barnat me rimbursim”, thekson më tej ministria.
