LIGJET E BIZNESIT
Prej kohësh tashmë në vendin tonë kryejnë aktivitetin e tyre dhe dedektivët privatë.
Njëra prej tyre është dhe Shkënda Lili, e cila është pajisur me licensë katër vite më parë.
Së fundmi, e ftuar në programin “Opinion” ajo ka zbuluar disa detaje në lidhje me profesionin e saj.
Si një nga temat më të përfolura, dedektivja ka folur edhe për tradhëtinë bashkëshortore dhe dyshimet, ku nuk ka ngurruar të tregojë dhe raste konkrete.
Ndër të tjera ajo tha, se për të kuptuar dhe faktuar nëse njëri nga partnerët kryen tradhti në çift, në punën e saj mjaftojnë zakonisht 10 ditë.
“Kur unë prezantohem që profesioni im është detektive, të gjithë mendojnë: Do ndash çiftet! Po si mund të ndaj unë çifte, unë thjesht faktor prova. Pastaj pjesa tjetër i përket gjykatave nëse ndahen”, u shpreh Lila.
Fevziu: Cila ka qenë puna e parë? Si e merrnin vesh që ekzsistoje si profesion, dhe nga të kontaktonin?
Lili: Ka qenë tradhti bashkëshortore. Në vitet e para kërkesa më e madhe ka qenë kjo. Në rrjetet sociale është shumë kollaj të gjesh gjithça.
Fevziu: Më trego rastin e parë.
Lili: Ishte grua dhe donte ndihmë, sepse kishte shumë dyshime tek partneri. Kishin shumë vite martesë dhe donte ta investigonte, të shikonte gjithë pëditshmërinë e partnerit.
Fevziu: Ti e ndiqje mbrapa? Sa kohë e ndoqe?
Lili: Fjala detektiv do të thotë investigim. Është në varësi edhe të klientit, të kërkesës edhe sa i vështirë është personi për ta kapur atë çka do klienti që vjen tek unë.
Fevziu: I qëndrojmë rastit të parë sa e ndoqe?
Lili: 10 ditë është e mjaftueshme. Nëse partneri ka një lidhje tjetër jashtë martese në 10 ditë do të takohet. Nëse në 10 ditë nuk zbulojmë gjë me lejen e klientit e zgjasim.
Fevziu: Dhe ti e faktove.
Lili: Provat tona janë faktike, fotografi, video, vendodhje ekzakte ku është personi. Ne fotografojmë gjithë ditën e personit. Çdo person që takohet, ku shkon. Provat sigurohen në ambiente publike.
