“Keni një detyrim madhor” Pas rritjes së rasteve, shefja e Infektivit ka një mesazh: Situatë shqetësuese, virusi është mes jush

Pas rritjes së ndjeshme të rasteve të reja me koronavirus ditët e fundit në vend, shefja e infektivit në QSUT, dr.Najada Çomo ka dalë me një video-mesazh për të gjithë qytetarët.

Ajo shprehet se në Infektiv pjesa me e madhe e të shtruarve me COVID10 janë në gjendje të rëndë dhe terapi intensive dhe kjo përkthehet në një situatë shqetësuese për të shëndetin e qytetarëve.

Mesazhin e doktoreshës e ka shpërndarë kryeministri Edi Rama.

Çomo shton se të gjithë kanë një detyrim madhor, ti qëndrojnë larg të sëmurëve dhe të evitojnë vendet publike që grumbullojnë njerëz.

Gjithashtu ajo shtoi se e vetmja armë mbrojtëse tashmë është maska kurse virusi nuk ka më përzgjedhje si dhe është edhe më i pranishëm tek shqiptarët.

”Dua të tërheq vëmendjen se një pjesë e madhe e të shtruarve tek Infektivi janë në gjendje të rënduar, në terapi intensive. Ajo që dua të thkesoj është se qytetarë të nderuar, është situatë për t’u shqetësuar nga ana shëndetësore.

Keni një detyrim madhor. Të qëndroni sa më larg të sëmurëve, që kanë sëmurë të tjerë. Ulni në maksimum qëndrimin në vende publike, si dhe maska është e vemtja armë mbrojtësi që kemi.  Virusi është mes jush, ju bëni hapin për t’u mbrojtur. Virusi nuk ka më përzgjedhje, jo vetëm mosha të treta. Janë të rinjtë që e çojnë tek të tjerët. Kini në vëmendje se ky virus është shumë tepër mes jush tani që u hoqën dhe barrierat, pra vendi është i hapur.”- tha Çomo.