E FUNDIT/ Përplaset me shtyllën elektrike, përfundon në kanal 30-vjeçari

Një aksident, pa pasoja për jetën ka ndodhur në rrugën nacionale pranë Divjakës, në zonën e quajtur Pushimi i Shoferit.

Sipas informacioneve, një automjet i tipit Alfa Romeo është përplasur me një shtyllë të tensionit të lartë dhe ka përfunduar në kanal.

Mësohet se shoferi ka humbur kontrollin e mjetit për shkak të një parakalimi të gabuar.

30-vjeçari është transportuar me urgjencë drejt spitalit të Lushnjëspër të marrë ndihmën e parë dhe mësohet se është jashtë rrezikut për jetën.

Ndërkohë, në vendin e aksidentit ndodhen edhe punonjësit e OSSHE të cilët kanë ndërprerë energjinë elektrike për të shmangur kontaktin e personave me rrymën.