LIGJET E BIZNESIT
Sinoptikania Adiola Bani thotë se muaji qershor do të mbyllet me temperatura jo shumë të larta dhe vranësira e reshje shiu. Sipas saj, duke filluar nga mesdita e sotme, do të kemi ndryshim të motit, që do të shoqërohet me reshje shiu, dhe që do të vijojë deri nga e premtja, ku do të rikthehet dielli.
“Ditën e sotme pritet të ketë një ndryshim, duke filluar nga orët e mesditës, duke qenë se kemi shtim të vranësirave jo vetëm në kryeqytet, por në pjesën më të madhe të territorit, ndërsa reshje priten vetëm në zonat lindore. Gjatë natës së sotme do të kemi reshje edhe në zonat perëndimore, duke bërë që dita e martë të nisë me mot të vranët dhe reshje shiu, për pjesën më të madhe të territorit. Kjo situatë pritet të vijojë deri në orët e pasdites, ku pritet që të kemi zhvendosje të reshjeve drejt zonave lindore dhe përmirësim të motit në zonat perëndimore. Në fakt, me mot të paqëndrueshëm do të mbetemi deri të enjten, në pjesën më të madhe të territorit. E premtja dhe fundjava janë më të favorshme, duke qenë se do të kemi më shumë diell”, theksoi sinoptikania në një lidhje për “News24” .
Kur mund të kthehen temperaturat e verës?
Kemi pasur një qershor të freskët, kemi pasur pranverë në qershor, pasi maji ka qenë më i nxehtë se qershori. Parashikohet që qershori të mbyllet me temperatura jo të larta. Verë tipike do të përjetojmë duke filluar nga ditët e para të korrikut, pasi edhe java e fundit e qershorit do të paraqitet me reshje. Gjatë kësaj jave temperaturat do të shkojnë deri në 29 gradë celsius, ndërsa në fundjavë do të shkojnë deri në 30-31 gradë, dhe këto temperatura do vijojnë gjatë gjithë muajit qershor. Duke filluar nga korriku do të kemi rritje të temperaturave.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
