Zbardhet amendamenti/ Nga përbërja e KQZ e deri te vota e emigrantëve, si do funksionojë Kodi i Ri Zgjedhor

Janë zbardhur amendamendet e Kodit Zgjedhor të hartuara tashmë nga ekspertët.

Ato do ti përcillen të hënën grupit të punës së Këshillit Politik për Reformën Zgjedhore.

Sipas tyre ankimimi i procesit do të bëhet në instuticionin e ri me 8 gjyqtarë, që do të quhet Kolegji Gjyqësor Zgjedhor.

Anëtarët e tij do të zgjidhen nga Këshilli i Lartë Gjyësor dhe kriter është të kenë kaluar Vettingun.

Gjyjtqarët do të jenë imunë ndaj lëvizjes në detyrë, procedimit disiplinor apo hetimit përkatës.

Ndërsa Konstituimi i Këshillit do të bëhet pas betimit të anëtarëve dhe do të thirret ng kreu i KLGJ.

Edhe KQZ do të pësojë ndryshime.

Mësohet se tanimë do të ketë 3 nivele që janë: komisioneri shtetëror i zgjedhjeve, Komisioni Rregullator dhe Komisioni i Ankimeve.

Mandati i Komisionerit Zgjedhor do të jetë 7 vjet.

Ai do ketë përgjegjësi për zbatimin e teknologjisë në zgjedhje dhe për këtë proces do ketë të njëjtat të drejta si Komisioneri. KAS, Komisioni Ankesave dhe Sanksioneve, ka të drejtë të shpallë të pavlefshme zgjedhjet në një zonë, disa zona zgjedhore ose gjithë vendin.

Sipas amendamenteve, në nenin 24 parashikohet votimi i emigrantëve. KQZ do jetë përgjegjëse për krijimin e kushteve për votën e emigrantëve.  Ende nuk është gjetur dakordësim sa i përket kufizimit  të së drejtës së kandidatëve apo partive për të realizuar me shpenzimet e tyre transportin e zgjedhësve në ditën e votimit.

Periudha zgjedhore do të ndryshojë sipas marrëveshjes që u arrit mes palëve politike.

Kështu, tani më do të jetë 15-prill-15 maj dhe 15 tetor-15 nëntor.

Medias do ti ndalohet publikimi i materialeve të parapërgatitura por partitë do të kenë mundësi reklamimi gjatë fushatës.

Referuar financimit të partive, do të mund të përfitojnë para nga buxheti i shtetit, forcat politike që kanë siguruar jo me pak se 1 përqind të votave në zgjedhjet pararendëse të të njëjtit lloj.

Ndërsa gjatë fushatës zgjedhore nuk do të lejohen shkarkimet apo transferimet nga puna.

Klikoni këtu për të parë dokumentin: 5ede291189d79amendamentet-converted