LIGJET E BIZNESIT
Një aksident i rëndë automobilistik ka ndodhur sot në mbrëmje në aksin Fier-Vlorë.
Mësohet se një makinë ka përplasur një motor dhe për pasojë është plagosur drejtuesi i motorit, i identifikuar si Valter Bodaj.
Ndërkohë sipas njoftimit zyrtar është shoqëruar në Komisariatin e Policisë Fier drejtuesi i automjetit, shtetasi M. T dhe po kryhen veprimet proceduriale.
Grupi hetimor ndodhet në vendngjarje dhe po punon për zbardhjen e plotë të saj.
NJOFTIMI ZYRTAR I POLICISE
Fier, Informacion paraprak
Sot rreth orës 22:00, në aksin rrugor Fier – Vlorë, në fshatin Levan, është përplasur motorri me drejtues shtetasin V. B, 23 vjeç, banues në Tiranë, me automjetin tip “Fiat” me drejtues shtetasin M. T., banues në Levan.
Si pasojë e përplasjes është dëmtuar drejtuesi i motorrit i cili ndodhet në Spitalin Rajonal Fier nën kujdesin e mjekëve.
Eshtë shoqëruar në Komisariatin e Policisë Fier drejtuesi i automjetit, shtetasi M. T dhe po kryhen veprimet proceduriale.
Grupi hetimor ndodhet në vendngjarje dhe po punon për zbardhjen e plotë të saj.
