Shpërthen bombula e gazi, plagosen burrë e grua nga Vlora

Për shkak të shpërthimit të një bombule gazi, një çift është plagosur në Vlorë në fshatin Panaja.

Mësohet se për shkak të flakëve që ka krijuar shpërthimi i bombulës kanë pësuar djegie çifti L.S. 62 vjeç dhe bashkëshortja e tij M.S. 49 vjeçe.

Gruaja ndodhet në spitalin e Vlorës, ndërsa bashkëshorti u transportua në Tiranë për ndihmë më të specializuar mjekësore për shkak të shkallës më të rëndë të djegies.

Sakaq bëhet e ditur se shërthimi i bombulës mund të ketë ardhur për shkak të amortizimit të madh.