VIDEO/ Të mbështjella me qese të zezë, dalin pamjet nga sekuestrimi në portin e Durrësit

Policia e Shtetit ka bërë publike pamjet nga operacioni i zhvilluar në portin e Durrësit.

Gjatë një kontrolli rutinë, policia gjeti në shasinë e kamionit disa pako të mbështjella me qese të zeza, ku brënda ishin eurot e padeklaruara.

Shuma e parave të sekuestruara në portin e Durrësit, në një kamion që sillte materile për një fasoneri është 498.850 euro.

Policia bën me dije se në bashkëpunim me Policinë Kufitare u ndalua kamioni tip Renault, me drejtues shtetasin A.TH., 56 vjeç, banues në Tiranë.

Eurot ishin të fshehura në disa pako të mbështjella me plasmas dhe u gjendën në urën lidhëse të kamionit me rimorkion.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Drejtuesi i kamionit është shoqëruar në DVP Durrës, ndërsa pakot me euro u sekuestruan. Gjithashtu është filmuar i gjithë procesi i numërimit të tyre, që rezultuan të ishin 498850 euro.

Shuma e raportuar në fillim ishte afro 2 milionë euro.