Përfshihet nga flakët banesa në Astir, nuk jetonte njeri prej muajsh

Është përfshirë nga flakët një banesë në katin e gjashtë të një pallati, në zonën e Astirit.

Burime nga policia njoftojnë se në apartament nuk jetonte njeri prej kohësh, prandaj ka pasur vetëm dëme material.

Mendohet se zjarri është shkaktuar nga një shkëndijë elektrike.

Zjarrfikësit kanë shkuar në vendngjrje dhe po punojnë për neutralizimin e flakëve.

Ndërkohë, grupi hetimor dhe Shërbimet e Policisë po punojnë për zbardhjen e rrethanave të ngjarjes.

Njoftimi i policisë:

Tiranë/Informacion paraprak

Më datë 13.06.2020, rreth orës 19:55, në Astir, ka rënë zjarr në katin e gjashtë, në një banesë që nuk banon njeri prej muajsh, ku ka vetëm dëme materiale. Shërbimet e zjarrfikëses ndodhen në vendngjarje dhe po punojnë për fikjen e zjarrit. Grupi hetimor dhe Sherbimet e Policisë vijojnë punën për zbardhjen e plotë rrethanave të ngjarjes dhe përcaktimin e shkakut të zjarrit.