“Komiteti i Maturës Shtetërore të shqyrtojë kërkesat”, Meta reagon për protestën e maturantëve

Presidenti Ilir Meta ka reaguarpër protestën e maturantëve për maturën shtetërore, me anë të një postimi në Facebook.

Meta kërkon që Komiteti i Maturës Shtetërore të marrë në shqyrtim kërkesat e nxënësve.

Ndër të tjera, Meta u shpreh se provimi duhet të shërbejë si vlerësim i dijeve dhe jo si ndëshkim për pamundësinë e studentëve për arritjen e rezultateve të kërkuara.

Postimi i Ilir Metës:

Po ndjek me shqetësim protestën e maturantëve dhe kërkesat e tyre ndaj autoriteteve përgjegjëse.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

I bëj thirrje Komitetit të Maturës Shtetërore që në përmbushje të detyrimit ligjor dhe përballë kërkesave të studentëve, në transparencë të plotë, të marrë sa më parë në shqyrtim të gjitha shqetësimet e tyre dhe t’u përgjigjet me përgjegjësi të plotë.

Edhe zëri i vetëm i një maturanti duhet dëgjuar, vlerësuar dhe sqaruar për paqartësitë dhe vështirësitë që ka hasur në këtë kohë pandemie.

Viti që kaloi ka qenë shumë i vështirë për të gjithë sistemin arsimor, por në mënyrë të veçantë për maturantët tanë.

Provimi i Maturës Shtetërore të shërbejë si një vlerësim i drejtë i dijeve të tyre në kohë të vështira, dhe jo si një ndëshkim ndaj pamundësisë objektive të studentëve dhe kufizimeve të pamerituara për arritjen e rezultateve të kërkuara!