LIGJET E BIZNESIT
Procesi i integrimit të Shqipërisë në Bashkimin Europian do të shtyhët shërish. Komisioni Europian nuk e ka publikuar kornizën e tij për Shqipërinë dhe Maqedoninë e Veriut edhe pse data 8 qershor ka kaluar.
Pasi u arrit një marrëveshje për Reformën Zgjedhore dolën pengesa të reja nga opozita, që kërkojnë ndryshim të sistemit dhe lista të hapura. Ndërsa në Maqedoninë e Veriut nuk kanë përcaktuar ende datën për zhvillimin e zgjedhjeve të parakoshme.
Komisioneri për Zgjerimin, Oliver Varhelyi lajmëroi shtyrjen ë prezantimit të kornizës së negociatave, gjatë një paneli diskutimi të Forumit të Delfit, ku ishin pjesëmarrës kryeministri i Shqipërisë Edi Rama dhe i Serbisë Ana Bërnabiç, kreut të LSDM-së në Maqedoninë Veriore, ish-kryeministrit Zoran Zaev, si dhe me pjesëmarrjen e presidentit serb Aleksandar Vuçiç. Ai nuk dha një datë për prezantimin.
Komisioneri Varehelyi shprehu keqardhje që pakoja e investimeve për rajonin u shty për shkak të situatës së shkaktuar nga pandemia. Ai u shpreh se pakoja do të prezantohet në fillim të vjeshtës.
“Kriza e shkaktuar nga Covid 19 për fat të keq pak e ndërpreu punën tonë, por megjithatë arritëm të sigurojmë mbështetje përmes instrumentit të ndihmës financiare me një vlerë prej 3.3 miliard euro gjatë krizës, duke treguar njëherësh edhe solidaritetin tonë”, tha Varhelyi.
Sipas komisionerit Varehelyi Bashkimi Europian vijon të jetë i përkushtuar ndaj Ballkani Perëndimor që të bëhet pjesë e integruar e Bashkimit Europian.
