LIGJET E BIZNESIT
Sot dhe nesër janë dy ditë të shënuara për të gjithë besimtarët që kanë vendosur të shkojnë në pelegrinazhin e Kishës së Shna Ndout në Laç.
Paraprakisht, Policia e Lezhës ka nxjerrë njoftimin përkatës me planin e masave të marra për mbarëvajtjen e tij.
Aty sqarohen segmented rrugore ku qarkullimi dhe parkimi i automjeteve do të jetë i kufizuar.
Nga ora 08:00 datë 12.06.2020 – ora 24:00 datë 13.06.2020 do të kufizohen disa segmente rrugore në lëvizjen dhe parkimin e mjeteve, të cilat janë:
-Nga kryqëzimi i Gjykatës – Kisha e Shna Ndout
-Nga kryqëzimi i Poliklinikës – Kisha e Shna Ndout
-Nga kryqëzimi i gjimnazit – Kisha e Shna Ndout
-Nga pallati 113 – Kisha e Shna Ndout
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Policia njofton se në këto segmente rrugore do të qarkullojnë vetëm mjete të licencuara dhe të përcaktuara nga Bashkia Laç, mjetet e Kishës, mjetet e personaliteteve të larta shtetërore, mjetet e emergjencave civile, zjarrfikësja, ambulanca dhe Policia.
Drejtoria Vendore e Policisë Lezhë kërkon mirëkuptimin e drejtuesve të automjeteve që të përdorin akse dhe drejtime të tjera lëvizjeje, pasi do të vlerësohej si një ndihmë mjaft e çmuar në mbarëvajtjen dhe garantimin e masave të sigurisë rrugore.
– Nga kryqëzimi i gjimnazit deri te kryqëzimi i varrezave do jetë rrugë vetëm për këmbësorët.
– Nga mbikalimi i Patokut për në qytet Laç nuk do të lejohen të hyjnë mjete të tonazhit të rëndë, pasi bëhen shkak për bllokimin e qarkullimit rrugor.
– Mjetet do të parkohen në vend parkingje të përcaktuara nga Bashkia Laç. Nuk do të lejohen parkime në vende që bëhen pengesë për qarkullimin e lirë të mjeteve.
