Gjendet një makinë e djegur në Prezë, dyshohet të jetë e autorëve të atentatit

Një makinë është duke u djegur në fshatin Prezë e Vogël, në periferi të Tiranës.

Nga dyshimet e para, makina mund të jetë e personave që vranë mbrëmjen e sotme Hekuran Billën, në orën 22:00, në Komunën e Parisit. Mësohet se vrasësi ka qenë i paisur me kapuç.

Ndër të tjera, nga pamjet e parë që janë marrë nga vendngjarja shihet se makina tip BMË X6, me të cilën udhëtonte viktima është bërë shoshë nga plumbat.  Në xhamin anësor të derës së shoferit numërohen të paktën 8 vrima plumbi.

E gjithë zona është blinduar nga policia dhe ekspertë të kriminalistikës po hetojnë për të gjetur prova, në mënyrë që të kapin autorin e vrasjes. Duket që atentati ka qenë i mirë orgabizuar dhe autorët janë siguruar të mos lënë prova.