Deputetja Rudina Hajdari ka folur pas takimit me kryeministrin duke thënë se Rama i njeh kërkesat e opozitës parlamentare për ndryshimin e sistemit dhe listat e hapura.
Hajdari u shpreh se kryeministri e di shumë mirë se ne duam të hapim listat sepse kjo është edhe kërkesa e shqiptarëve.
Deklarata e plotë:
Ai u njoh me kërkesat tona. E kupton shumë mirë që marrëveshja e arritur nuk i përfshin kërkesat. Ne kërkojmë listat e hapura se nuk ka shqiptar që nuk i do. Nuk besoj që ka shqiptarë që do shkojë në votime dhe do votojë siglat e partive. Rama e di shumë mirë këtë.
Marrëveshja riktheu PD në sistem dhe shumë mirë ka bërë se PD dhe LSI duhet të ishin në sistem. Ne duam që të mos vijë më një Edi Rama tjetër, duam të hapim listat, ti shkojmë deri në fund kësaj nisme.
