Në mbledhjen e “Task Forcës” për Turizmin që po zhvillohet aktualisht në prag të nisjes së sezonit turistik, ka ndodhur një përplasje mes kryebashkiakut socialist të Lezhës Pjerin Ndreu dhe ministrit të Brendshëm Sandër Lleshaj.
E gjithë situata ka nisur në lidhje me shembjen e ndërtimeve pa leje që është njoftuar nga IKMT.
Sipas Ndreut nëse ata mendojnë se kryebashkiakët janë policë rreshti, duhet ta harrojnë.
Lleshaj nuk ka zgjedhur të qëndrojë indiferent ndaj këtyre fjalëve duke thënë se duhet ti kursente këto fjalë dhe se IKMT po vazhdon punën në saj të ligjit.
Në momentin që debati po rëndohej, ka ndërhyrë ministri Klosi duke kërkuar të largohen mediat.
PJESE NGA DEBATI
Pjerin Ndreu: IKMT të vijë me një noftim paraprak. Nëse më vjen ti mua papritur dhe më shemb disa objekte, ti ma shemb turizmin. Nëse bëhet kjo unë si bashki nuk marr pjesë. Ia kam thënë kryeministrit mbrëmë dhe po e them edhe këtu: nëse ju mendoni se jemi policë të rreshtit, harrojeni. Kryetari i bashkisë boll është sulmu, ka ardh koha që ligji për qeverisjen vendore të shikohet me kujdes. Se boll, boll është bërë izolimi i kompetencave të pushtetit lokal. Sa ne të injorohemi në këtë mënyrë…
Bëj thirrje publikisht të ulemi e të diskutojmë e të bien dakord me pushtetin lokal. 30 vjet pa leje ndërsa tani në kohën e sezonit turistik mobilizojmë armë. Mesazhet nuk mund të vihen para institucioneve serioze. Nëse për ju nuk ekziston bashkia, në bashkinë Lezhë ka këshill.
Sandër Lleshaj: Do të thoja ca gjëra por po i kërsej ato që do të thoja këtu. IKMT është një strukturë ligjore e respektuar e cila ka mbajtur gjatë këtyre viteve një barrë të madhe në një vend të pushtuar nga paligjshmëria. IKMT e ka kryer këtë detyrë me shumë sukses. Ka goditur një pjesë të madhe të paligjshmërisë dhe këtë detyrë do të vijojë ta kryejë. Protokollet e IKMT janë të përcaktuara në ligj dhe zbatohen në mënyrë rigoroze. Siaps rregullave nuk negociohet me kryetarin e bashkisë për të vendosur ligjin në një vend, ku është shkelur. IKMT do ta vazhdojë këtë punë bazuar në ligj, në raport me shkelësit IKMT do të veprojë drejperdrejt dhe nuk marrin autorizim as nga ministri dhe as nga kryetari i bashkisë dhe askush tjetër…
Nëse konstatoni shkelje të ligjit jeni të detyruar të ndërhyni si kryetarë bashkie. Duhet të rivendosni ligjin nëse dikush e ka shkelur atë.
Klosi: (Nuk le Ndreun te marre fjale) Të largohen mediet. Do ta vazhdojmë mbledhjen pa praninë e mediave…
