Ka nisur mbledhja e “Task Forcës për Turizmin” në prag të nisjes së sezonit turistik në Shqipëri.
I pranishëm është dhe ministri i Brendshëm Sandër Lleshaj.
Në fjalën e tij ai ka ftuar të gjithë personat nga Kosova, Maqedonia dhe Mali i Zi që të vinë për pushime në vendin tonë, si një mënyrë kjo për të kompensuar turistët të cilët nuk kanë mundësi për shkak të pandemisë së COVID19.
Lleshaj ka shpjeguar gjithashtu se sipërfaqja në breg do të mbetet e paprekur, pasi nuk do të lejohen të vendosen në mënyrë të paligjshme çadra apo shezlong.
‘Ftoj qytetarët e Kosovës, Maqedonisë dhe Mal të Zi të vijnë. Shpresojmë që në këtë mënyrë ta kompesojmë fort mungesën e turistëve që vijnë nga larg, do të thosha. Janë dy elementët kryesorë që ministria kontribuon në mbështjete të këtij procesi, policia, IKMT dhe prefektetët.
Unë doja të evidentoja dy çështje si nevoja të mbetet e paprekur. Fatkeqësisht kemi patur në historinë tonë më të re sipërfaqje të bregdetit, të cilat do të mbeten të paprekura, pasi rëra i përket shqiptarëve. Pra IKMT në bashkëpunim me policinë duhet që këtë çështje ta mbyllin me çështje ditësh.
Pra as edhe një shezlong, as edhe një çadër që nuk është e justifikuar nuk do të lejohet. Kjo është shumë e qartë. Nuk do të lejohet. Po ashtu edhe krimin që shfaqjet në formën e hedhjes së mbeturinave në ndotjen e liqeneve, lumenjve nuk do të lejohen. Po ashtu kanë filluar goditjet e duhura, të cilat do penalizohen me gjoba. Kërkohet bashkëpunim që ky fenomen të marrë fund. Policia e shtetit bashkë me IKMT funksionon si një strukturë unike. Gjej rastin ta përsëris që fatura të ulet, ndihmoni me mosndotjen. Në këtë rast me që jemi dhe këtu i bëj thirrje edhe kryebashkiakëve’, deklaroi ministri Lleshaj.
