Ngjarje e rëndë/ Mbytet një adoleshent në Liqenin e Fierzës

Një ngjarje e rëndë ka ndodhur sot në Liqenin e Fierzës.

Mësohet se është mbytur një adoleshent 16-vjeçar me iniciale K.S.

I ndjeri, banues në lagjen Gostil të Kukësit ka shkuar për tu larë në liqen.

Më pas trupi i pajetë i të riut u vu re nga familjarët dhe banorët përreth dhe më pas u nxorr nga polumbarët.

Ndërkohë policia ka dhënë dhe sqarimin për ngjarjen.

“Rreth orës 14:25, në liqenin e Fierzës, në vendin e quajtur Gostil i Poshtëm, duke u larë në liqe, është mbytur shtetasi K.S., 16 vjeç, banues në lagjen Gostil, Kukës.

Për gjetjen e 16 vjeçarit, u angazhuan menjëherë shërbimet e Policisë dhe në bashkëpunim me familjarët dhe peshkatarët është gjetur i pa jetë nga peshkatarët e zonës 16 vjeçari.

Grupi hetimor ndodhet në vendngjarje.”, thuhet në njoftimin zyrtar.