LIGJET E BIZNESIT
Numri i rasteve të reja me koronavirus sot në vendin tonë ishte shqetësues.
Kështu, në 24 orët e fundit u konfirmuan 36 të prekur, shifra më e lartë kjo deri më tani që prej fillimit të pandemisë.
Të dhënat zyrtare të Ministrisë së Shëndetësisë i bëri me dije specialistja e ISHP Silva Bino.
Ajo ka shpjeguar edhe arsyet e rritjes së shifrave, që sipas saj priteshin.
Bino thekson se numri i lartë lidhet me grumbullimet si dhe me mos respektimin e masave, të mbajtjes së maskave por dhe kujdesit të higjienës.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
“Kjo situatë nuk ishte kaq e papritshme për shkak të grumbullimeve masive që kanë ndodhur ditët e fundit. Jo vetëm grumbullimet, por edhe mosrespektimi i këshillave, në lidhje me distancimin fizik, në lidhje me mbajtjen e maskave, në lidhje me shumë elementë të tjerë të kujdesit personal qoftë edhe të higjienës.
Të gjithë qytetarët, të gjithë ne duhet të jemi të përgjegjshëm që Covid-19 nuk ka ikur nga vendi jonë. Deri më tani, deri në fillimin e hapjes së masave kishim një numër një shifror, e cila erdhi si rezultat i masave drastike, i sakrificës së gjithësecilit. Por kjo nuk do të thotë që me hapjen e masave ne të shpërdorojmë çdo këshillë dhe të shpërdorojmë atë që ne vetë sakrifikuam”, tha ajo gjatë deklaratës.
