LIGJET E BIZNESIT
Vijojnë të dalin të reja nga atentati në Elbasan mëngjesin e sotëm, ku mbeti i plagosur Ardian Çapja, i cili tashmë është nisur në spitalin e Tiranës për mjekim më të specializuar.
Autorët kanë qëlluar me breshëri kallashnikovi brenda në banesën e tij në lagjen “Emin Matraxhiu”.
Ndërkohë në spital familjarët e të plagosurit kanë deklaruar për uniformat blu se ai është rrëzuar në shtëpi dhe është lënduar, duke mohuar kështu atentatin me armë zjarri.
Por, banorët në zonë kanë raportuar për të shtëna me armë dhe shumë pranë banesës ku jeton Ardian Çapja ka marrë flakë një automjet që nga të dhënat e policisë mësohet se ka pasur targa false.
Duket se atentati ndaj Ardian Çapjas ka qenë i mirëorganizuar, pasi ai është mbajtur në survejim për disa ditë.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Mirëpo autorët dështuan në planin pasi u diktuan nga shënjestra.
Kur ka dëgjuar të shtënat, menjëherë ai është futur brenda duke u shpëtuar plumbave. Nga rindërtimi i ngjarjes, sipas grupit hetimor, Çapja i ka pikasur autorët dhe kjo ka bërë që këta të fundit të qëllojnë nga një distancë e largët.
Ky është atentati i dytë që i bëhet Ardian Çapjes, pasi më parë është tentuar eliminimi i tij fizik përmes predhës, por që nuk arriti të shpërthente, ngjarje kjo e ndodhur më 6 gusht 2017.
