Një punonjëse sociale që ka lidhje me Shtëpinë e Fëmijës në Shkodër të denoncuar nga Adriana, vajza që denoncoi përdhunimet që i ishin bërë në moshë të vogël në një jetimore.
Antonjeta Pero akuzon vajzën që bëri denoncimin shokues në Top Channel se po gënjeu publikisht, por pavarësisht këtij fakti, duhet ndihmuar.
Pero shkruan se rasti i Adrianës po propagandohet shumë, ndaj bën thirrje që shteti të reagojë që të mos merren nëpërkëmbë punonjësit e Shtëpisë së Fëmijës.
“Kam dy dite që përpiqem, që të bahet kujdes në propagandimin e rastit të vajzës në emisionin e kësaj nate. Shteti duhet të reagojë i pari. më vjen mirë që u vu drejtësia në vënd. Boll janë marrë nëpërkambë punonjësit e shtëpisë së fëmijës. Këtë radhë porositësi paska qëllu ma i dobët”, shkruan Pero.
Ndërkohë ajo kërkon që vajza të ndihmohet të keë një jetë normale, pasi sipas saj, Adriana me këtë denoncim po përpiqet të fitojë asgjë më shumë se një jetë normale.
“Asgjë nuk ashtë e vërtetë nga ato që Adriana tha. Por duhet të ndihmohet të jetoje normalisht. këtë kërkon të arrijë. Forca ta ndihmojmë!”, shkruan ajo, ndërsa në një postim tjetër thotë që as vetë Adriana nuk po i beson ato që po thotë.
Vlen të ritheksojmë që pas denoncimit të 27 vjeçares u arrestua ish-shefi i Policisë së Fushë arrëzit, por ditën e djeshme ai është lënë i lirë për mungesë provash.
