Maqedonia gjunjëzohet nga COVID-19, 125 raste dhe 2 viktima në 24 orë

Maqedonia e Veriut është tashmë epiqendra e virusit COVID-19 në Ballkan. Pas 177 rasteve të djeshme, në 24 orët e fundit fqinji ynë lindor ka regjistruar gjithashtu shumë raste të reja pozitive, që kanë shkuar në 125.

Por jo vetëm rastet e reja, pasi edhe viktima kanë vijuar të rriten në Maqedoninë Veriore, teksa në këto 24 orë kanë vdekur dy persona të prekur nga virusi.

Tashmë në Maqedoni qeveria ka urdhëruar për mbylljen e pjesës më të madhe të vendit, duke u bërë kështu vendi i parë në Europë që rikthen regjimin e karantinës.