LIGJET E BIZNESIT
Një nga lajmet që bënë më shumë bujë orët e fundit ishte ai që policia rrugore i ka hequr patentën djalit të ish-kryeministrit Sali Berisha, Shkëlzen Berisha.
Sipas uniformave blu, ai po drejtonte makinën e tij me shpejtësi tej normave të lejuara.
Ngjarja ka ndodhur mbrëmjen e djeshme rreth orës 23:00 te rrethrrotullimi i TEG pranë autostradës Tiranë-Elbasan.
Sipas informacioneve djali i ish-kryeministrit, që udhëtonte me makinën e tipit “Benz” S320 udhëtonte me 127 km/orë.
Por ndërkohë Shkëlzen Berisha ka reaguar duke kërkuar ndjesë për tejkalimin e shpejtësisë, pasi sipas tij ky gjest kërcënon jetën e të gjithëve.
Ai thotë se e ka pranuar vendimin e policëve dhe se nuk ka kundërshtuar masën e marrë, duke hedhur dhe akuza në drejtim të një media pranë qeverisë.
“Të dashur miq se pari me duhet ta nis me nje ndjese per kalimin e shpejtësisë së lejuar sepse ajo kërcënon jetën e te gjithëve. Se dyti, ne lidhje me nje shpifje te shperndare sot nga media prane qeverise deshiroj te sqaroj se per asnje moment dhe ne asnje rrethane, asnje procedure ligjore apo punonjes i rendit nuk eshte kundershtuar nga une gjate ushtrimit te detyres.
Dokumenti i kerkuar ne zbatim te ligjit eshte dorezuar po ne zbatim te ligjit, pa asnje lloj debati, kundershtimi apo refuzimi. Nese do ishte ndryshe sot ne vend te shpifjeve te mediave prane qeverise do duhej te kishim nje padi nga ana e policise per kundershtim te saj gjate ushtrimit te detyres. Por ne vend te akuzes kemi shpifjen, sepse e para kerkon prova ndersa e dyta vetem leket e atyre qe e sponsorizojne.”, shprehet Shkëlzen Berisha.
