Telashe për djalin e ish-kryeministrit Sali Berisha, Shkëlzen Berisha.
Mësohet se policia i ka bllokuar atij patentën por edhe moderatorit Ermal Mamaqi.
Ngjarja ka ndodhur mbrëmjen e djeshme rreth orës 23:00
Policia rrugore gjatë kontrollit të ngritur tek rrethrrotullimi i TEG, pranë autostradës Tiranë-Elbasan, ka ndalur për tejkalim shpejtësie, Shkëlzen Berishën dhe Ermalin Mamaqin, që udhëtonin me makina të ndryshme.
Sipas informacioneve djali i ish-kryeministrit, që udhëtonte me makinën e tipit “Benz” S320 udhëtonte me 127 km/orë.
Ndërsa Mamaqi, po i jepte makinës “Renault” me 120 km/orë.
Fillimisht policia rrugore a ndaluar moderatorin dhe aktorin Mamaqi. Ai nuk ka bërë rezistencë gjatë ndalimit nga policia dhe se ka pranuar dorëzimin e patentës.
Pas 10 minutash, gjatë kontrollit të policisë është vërejtur se automjeti tip “Benz” S320 po ecte me një shpejtësi prej 127 km/orë., të cili po e udhëtonte Berisha.
Të dy tashmë duhet të paraqiten në komision ku pritet të merret vendimi për heqjen e patentës nga 1 deri në 3 muaj si dhe gjobë administrative.
