Marrëveshja për “Zgjedhoren”, Rama zbulon arsyet pse nuk ka humbur Basha

Kryeministri, Edi Rama ka reaguar përsëri për marrëveshjen e arritur për Reformën Zgjedhore.

Rama shprehet se marrëveshja e re ka edhe një anë pozitive, që konfirmon se humbja në 2017 e PD-së nuk kishte lidhje as me marrëveshjen e parë dhe as me integritetin e zgjedhjeve.

Ndër të tjera, Rama theksoi se nuk është dakord me ata që thonë se marrëveshja e re me Bashën ishte humbje për të, se gjoja hoqi dorë nga kauza dhe nuk fitoi asgjë.

Kryeministri Rama shton se kauza ishte imagjinare, ndërsa marrëveshja konkrete, pas djegies së kohës, mandateve dhe bashkive është një rikthim në realitet.

Postimi i plotë i kryeministrit Edi Rama:

Por marrëveshja e re ka edhe anën tjetër pozitive, që konfirmon se humbja e PD në 2017 s’kishte lidhje me marrëveshjen e parë dhe as me integritetin e zgjedhjeve, përderisa administrimi zgjedhor ekzistues mbeti kusht i panegociueshëm i LBPD, edhe në zhgjëndrrën pa qeveri teknike!

Padyshim që s’jam dakord me ata që thonë se marrëveshja e re me LB ishte një humbje për të,se gjoja hoqi dorë nga kauza dhe nuk fitoi asgjë! Jo,sepse kauza ishte imagjinare, kurse marrëveshja është konkrete – pas djegies së kohës,mandateve,bashkive është një rikthim në realitet.