Atentat në Londër, në gjendje të rëndë 20-vjeçari shqiptar

Një i ri shqiptar është goditur me armë zjarri në Londër.

Mësohet se shqiptari ka rënë pre e një atentati mafioz dhe ngjarja e rëndë ka ndodhur ditën e djeshme në Barking në Lindje të Londrës dhe shënjestër ka qenë një i ri shqiptar rreth 20-vjeç, i cili ndodhet në gjendje kritike për jetën.

Nga pamjet e siguruara vihet re se makina e shqiptarit është përplasur me bordurën, në momentin kur është qëlluar dhe ka humbur kontrollin e automjetit.

Ndërkohë, i riu shihet i mbuluar në gjak dhe pa ndjenja në sediljen e shoferit.

Shqiptari i plagosur mësohet të jetë D.Gashi, nga qyteti i Kukësit.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Gjithashtu ka mbetur i plagosur edhe një person tjetër, identiteti it ë cilit nuk bëhet ende i ditur, i cili ka qenë me të riun shqiptar, në makinën e tipit “Ford”.

Në vendin e ngjarjes në “Wilmington Gardens”, kanë mbërritur forca të shumta të policisë, ambulanca dhe helikopterë.

Asnjë arrestim nuk është kryer deri tani nga policia britanike.