Janë zbardhur detaje nga shpërthimi tritolit në qytetin e Vlorës orët e vona të mbrëmjes së enjte. Policia ka dhënë detajet për për shpërthimin e ndodhur në lagjen “28 Nëntori”.
Dyshimet paraprake janë që ngjarja të ketë ndodhur midis pallateve dhe bëhet fjalë për një sasi të vogël eksplozivi, ku si pasojë nuk ka asnjë person të lënduar por vetëm dëme të vogla materiale.
Ndërkohë banorët kanë dëshmuar se shpërthimi ishte mjaft i fuqishëm, ndërsa për disa momente ka alarmuar qytetarët.
Njoftimi i policisë:
Rreth orës 22:50, në lagjen “28 Nëntori” Vlorë midis pallateve, dyshohet se ka shpërthyer një sasi e vogël eksplozivi, ku si pasojë nuk ka asnjë person të lënduar por vetëm dëme të vogla materiale.
Menjëherë në vendin e ngjarjes kanë mbërritur shërbimet e policisë, të cilat kanë nisur hetimet për zbardhjen e ngjarjes si dhe për identifikimin dhe kapjen e autorit.