Ka nisur në kafe një debat dhe fjalë e disa ofendime dhe më pas përfundoi me plumba mbi trupat e dy vëllezërve.
Kështu ka precipituar ngjarja e rëndë në Krujë, ku humbën jetën dy vëllezërit Gramoz dhe Xhentil Bardhi, përkatësisht 34 dhe 24 vjeç, të cilët u qëlluan për vdekje me armë zjarri nga Roland Pula, 32 vjeç, nga Kruja.
Sipas asaj që bëhet e ditur të dy vëllezërit kishin pasur përplasje edhe më herët me autorin e dyshuar, ndërsa mbrëmë përplasja ka qenë me e ashpër dhe fatale.
Dy vëllezërit nuk ishin të panjohur për opinion publik në Krujë, pasi njëri prej tyre ishte prift.