Në një kohë që dy javët e fundit kanë parë një rritje të ndjeshme të numrit të personave të identifikuar si të prekur me COVID-19, beteja vijon edhe në spital.
Ministria e Shëndetësisë bëri sot me dije se në spitalin Infektiv aktualisht po trajtohen 23 të prekur, nga të cilët 5 janë në terapi intensive, njëri prej tyre është i intubuar”.
Sipas ministrise, rreth 8% e të prekurve aktivë po trajtohen në spital kurse pjesa tjetër po ndiqen nga mjekët e familjes.
Në vendin tonë janë 266 persona aktivë me COVID19, ku në Tiranë janë mbi 68 % e të prekurve, kurse pjesa tjetër janë kryesisht në Durrës, Kamëz, Krujë.