Thellohet skandali i trafikimit të arabëve, mes zyrtarëve të ndaluar gruaja e Korab Litës

Zyrtarë të lartë të Drejtorisë Rajonale të Kufirit e Migracionit të Tiranës, janë ndaluar nga  SHÇBA. Ndalimi I tyre u bë pasi dyshohet s jan të përfshië në skandalin e trafikimit e shtetasve të huaj nga vendet e tyre të origjinës në Shqipëri.

Ndërkaq, referuar të dhënave të deritanishme, mësohet se mes zyrtarëe të Policisë të ndaluar nga SHÇBA, është dhe bashkëshortja e deputetit demokrat Korab Lita, shtetësja me inicialet A.Lita.

Në njoftimin e SHÇBA thuhet se, 5 zyrtarë të lartë të Policisë ku përfshihet dhe bashkëshortja e Litës, janë implikuar në trafikimin klandestin të qënieve njerëzore dhe akuzohen për veprat penale “Dhënie ndihme për kalim të paligjshëm të kufirit”, “Shpërdorim detyre” dhe “Falsifikim dokumentesh”, kryer në bashkëpunim.

Konkretisht, janë ndaluar:

– Enekeleda Toska, me detyrë Drejtore e Drejtorisë Rajonale të Kufirit e Migracionit, Tiranë;

– Besnik Zela, me detyrë Shefi i Sektorit në DRKM, Tiranë;

– Altin Hasani, me detyrën e Shefit të Seksionit në DRKM, Tiranë;

– Albana Metko, specialiste në DRKM, Tiranë.

– A.Lita, specialiste e Migracionit në DRKM Tiranë, për të cilën mësohet se është bashkëshortja e deputetit Lita, raporton newsomb.al.

Gjithashtu, për të ndaluarit e sipërpërmendur, Drejtoria e Standarteve në Polici ka nisur hetim disiplinor për “Shkelje të rënda të atributeve e kompetencave të Policisë” dhe me urdhër të menjëhershëm të drejtorit Ardi Veliu janë pezulluar nga detyra.