Policia greke ka pëfunduar një operacion për sekuestrimin e lëndëve narkotike në ishullin e Mykonos-it, ditën e sotme.
Në pranga ka rënë dhe një shqiptar 28 vjeç.
Ndërkaq bëhet e ditur se i riu shqiptar kishte fshehur 1.5 kg kokainë të pastër brenda një paisjeje elektronike (Play Station 4)
Ai u arrestua në momentin që po zbriste nga trageti i linjës që lidh ishullin e famshëm turistik të Egjeut me Pireun.
Pas arrestimit, ai u ka thënë agjentëve se droga do të shpërndahej në piacën e narkotikëve të këtij destinacioni turistik, që është i famshëm për festat e çmendura dhe mbrëmjet miliona euroshe të personazheve VIP botërorë.
Gjykata greke ka vendosur që i riu të qendrojë pas hekurave pa afat të përcaktuar.
Ndër të tjera, në kërkim janë shpallur edhe dy shtetas të tjerë shqiptarë, të cilët bashkëpunonin me 28-vjeçarin, por emrat e të cilëve nuk bëhen ende publik.
