Aktivisti dhe pedagogu Erion Kristo ka folur së fundmi për situatën politike që po kalon vendi ynë.
Duke komentuar edhe debatet për Reformën Zgjedhore, ai është shprehur se qëllimi i palëve politike nuk është që të arrihet një konsensus.
Përkundrazi, sipas tij ata duan të krijojnë iluzionin se po bëjnë një reformë.
“Nuk kanë ndërmend të bëjnë reformë. Këta duan të krijojnë iluzionin se po bëjnë reformë. Është tipike si ajo shprehja “U mbars mali, polli një mi”. Asnjë prej tyre nuk po lufton për tiu dhënë njerëzve liri, demokraci, të drejta. Ata luftojnë për llokmën e tyre. Dhe më e keqja është se papërgjegjshmëria e tyre kap nivele aq të larta se nuk e kanë problem që për të disatën herë të djegin integrimin”-tha Erion Kristo për Abc News.
