Zbulohen detajet nga takimi me ambasadorët/ Hajdari: Për çfarë u dakordësua

Rudina Hajdari u shpreh se takimi me Ambasadoren e SHBA-së Yuri Kim ka nisur në orën 12:30 dhe ka përfunduar në 20:30.

Në emisionin ”Opinion”, Hajdari zbardhi detaje nga takimi që u zhvillua mes 3 diplomatëve dhe 4 anëtarëve të Këshillit Politik, ku u shpreh se administrate zgjedhore është një çështje e nxehtë, që ndan dy palët.

“PS kërkon një administratë zgjedhore tërësisht të depolitizuar, ndërsa opozita e bashkuar kërkon një depolitizim të pjesshëm.

Përsa i takon Kolegjit Zgjedhor, duket se është një ccështje që do të zgjidhet. Gjithashtu edhe identifikimi biometriik i votuesve është një ccështje që opozita e bashkuar dhe PS ende nuk kanë rënë dakort”, u shpreh Hajdari.

Sipas saj, duket se për identifikimin biometrik në të gjithë vendin është rënë dakort.

Hajdari tha se ndërkombëtarët në këtë proces janë shtytës në këtë proces.

Lidhur me ndryshimin e sistemit zgjedhor, Hajdari tha se palët janë në dijeni të propozimeve të mia, por në tryezë e kanë shmangur. “PS thotë ta diskutojmë në një moment të dytë, PD nuk do t´i bashkohet këtij qëndrimi, LSI nuk reagon fare”, tha Hajdari.