Zgjedhorja/ Ambasadori britanik i vendosur: Thelbësore që të përfundojë nesër

Ambasadori britanik, Duncan Norman pas mbledhjes me përfaqësuesit e Këshillit Politik u shpreh se miratimi i Reformës Zgjedhore është i eëndësishëm jo vetëm për integrimin në BE, por që shqiptarët të kenë një sistem që garanton zgjedhje të lira.

Ndër të tjera Norman në deklaratën e tij ka theksuar se nesër pret që një marrëveshje e tillë të bëhet realitet.

“Këshilli Politik u krijua në mënyrë që të përfundojë reformën zgjedhore dhe sot është bërë, por mbetet ende punë për tu bërë. Është thelbësore që këtë ta përfundojmë nesër dhe jo vetëm për rrugëtimin e Shqipërisë drejt BE-së, por në mënyrë që edhe votuesit shqiptarët të kenë zgjedhje të lira dhe të sigurta. Kështu që le ta bëjmë punën”, është shprehur ambasadori Nurman.