Kur do të hapen kufinjtë ajrorë? Të gjithë po e presim, por ja si përgjigjet kryeministri

Kryeministri Edi Rama ka vijuar ti përgjigjet pyetjeve të gazetarëve në konferencën e zhvilluar pranë ambienteve të spitalit COVID19 në periferi të Tiranës.

I pyetur se kur do të hapen kufinjtë detarë dhe ajrorë pasi të gjithë po e presin, kreu i qeverisë tha se kjo nuk varet tërësisht nga shteti shqiptar.

“Ju duhet ta dini që kjo nuk lidhet thjesht me ne, lidhet dhe me palët e tjera. Ne kemi hapur kufijtë tokësorë nga ana jonë por jo të gjitha vendet i kanë hapur kufijtë tokësorë apo njësoj si ne. Se është kollaj të vësh kujën o ramazono hap kufijtë se i ka hap gjithë bota.

Me kufijtë ajrorë është e njëjta gjë. Ne mund ti hapim  por a i hapin të tjerët? Psh. sot debati ju e dini është brenda BE me Italinë dhe Spanjën. Është debat i madh. Nëse vendoset psh. Gjermania dhe Franca mos hapen me Italinë, po qe se ti hapesh me Italinë, atëhere mbyllesh me Gjermaninë dhe Francën.

Kanë lënë një afat 15 qershor për shengenin dhe do shohim si do vijohet”, tha shefi i qeverisë ndërsa pohoi se nuk do bëhet asnjë testim dhe procedurë karantinimi për ata që do hyjnë në Shqipëri.

“Ne s’do bëjmë as tampona as detyrime për karantinim të atyre që hyjnë, është e kotë, komplet e kotë. Kemi parë edhe se si Greqia ka relaksuar planin sepse është e pamundur. Ti hapesh kur do turizëm dhe pastaj ca do bësh, do i mbash njerëzit mbyllur e do tamponosh gjithë dynjanë? Se ti do e bësh, e kemi thënë, ai është në fazën e intubimit, nuk e kap… “, deklaroi kryeministri.