Pas letrës së kryetarit të Kuvendit Gramoz Ruçi për të caktuar kanditaturën për kreun e KLSH drejtuar Metës, ka ardhur dhe përgjigja e Presidencës.
Ky institucion shprehet se Kreu i Shtetit Ilir Meta ka propozuar më parë tre kandidatura dinjitoze por që janë refuzuar nga Kuvendi.
“Presidenti i Republikës Sh.T.Z Ilir Meta ka marrë një letër pak ditë më parë nga Kryetari i Kuvendit, z.Gramoz Ruçi për çështjen e KLSH.
Presidenti Meta e ka respektuar me përgjegjshmëri maksimale detyrimin kushtetues duke propozuar tre kandidatura mjaft dinjitoze dhe të kualifikuara për të garantuar pavarësinë e KLSH.
Presidenti Meta si gjithmonë do të përmbushë detyrimet e Tij kushtetuese për të garantuar pavarësinë e institucioneve”, shprehet zëdhënësi i Metës, Tedi Blushi.
