P*rdhunimi i 15-vjeçares nga roja i shkollës/ Reagon për herë të parë Besa Shahini

Pas ngjarjes së tmerrshme në Babrru të Tiranës, ku roja i shkollës kishte abuzuar seksualisht me një 15-vjeçare dhe më pas e shantazhonte me foto dhe video intime, ka reaguar për herë të parë dhe ministrja e Arsimit Besa Shahini.

Pas disa ditësh heshtje, ajo ka deklaruar sot se mënyra më e mirë për të dënuar dhe parandaluar këtë dhunë është denoncimi.

Sipas saj shkolla duhet të shndërrohet në një hapësirë të sigurt, ku nxënësi të mund ta denoncojë dhunën që e ka përjetuar apo të paraqesë çfarëdo shqetësimi që mund të ketë

Ajo shtoi gjithashtu se nxënësit do të trajnohen për çështjet e ngacmimit seksual.

“Do të dyfishohet numri i psikologëve dhe punonjësve socialë, përmes një riorganizimi të stafit arsimor që tashmë ka filluar. Ata do të trajnohen për çështjet gjinore dhe për çështje të ngacmimit dhe abuzimit seksual, në mënyrë që të adresojnë këto tema të ndjeshme sa më mirë që të jetë e mundur në shkollë.

Gjithashtu në fund ministrja u shpreh se personat që janë denoncuar do të hiqen nga puna dhe më pas do të ndiqen penalisht nga ana ligjore.