Së fundmi në botë ka qarkulluar lajmi se fuqia e koronavirusit është dobësuar dhe se është drejt zhdukjes.
Këto dyshime lindën pas deklratës së një doktori në Itali ditën e dielë, i cili tha se virusi është bërë më pak vdekjeprurës.
Madje, profesori Alberto Zangrillo, kreu i njësisë së terapisë intensive në spitalin “San Raffaele” në Lombardi u shpreh se “koronavirusi klinikisht nuk ekziston më”.
Por ekspertët e Organizatës Botërore të Shëndetësisë e kanë hedhur poshtë këtë deklaratë, duke thënë se nuk ka prova për ta mbështetur atë.
Në të njëjtin mendim kanë qenë dhe një sërë mjekësh të tjerë.
Epidemiologia e OBSH Maria Van Kerkhove ka paralajmëruar se ashpërsia do të vijojë të jetë njësoj, ndërsa përsa i përket transmetueshmërisë së virusit, asgjë nuk ka ndryshuar.
