Mjeku Erion Dasho, ekspert i shëndetit publik ka bërë së fundmi një deklaratë të fortë.
Ai është shprehur se ndërsa numri i rasteve ditore me COVID19 në botë sa vjen e rritet, ai i vdekjeve ulet.
Sipas Dashos e gjitha kjo tregon se virulenca e virusit është në rënie.
“Duke qënë se ka shumë faktorë që ndikojnë në përhapjen dhe vdekshmërinë nga COVID, kjo është thjesht një indicije në kuadrin e shumë të tjerave (gjithashtu pozitive). Shpresoj që këto lajme të vazhdojnë dhe, mbi të gjitha, të konfirmohen edhe nga puna kërkimore dhe zbulimet shkencore”, shkruan Dasho duke dhënë më pas dhe një lajm të mirë.
Në vijim ai shprehet se “beson që për dy apo tre javë do të marrim lajmin e mirë që presim të gjithë prej kohësh, një verë pa koronavirus”.
REAGIMI I PLOTE I MJEKUT ERION DASHO
Grafiku më interesant dhe më shpresëdhënës lidhur me epideminë nga COVID-19 është ky në vijim. Ndërsa numri i rasteve ditore në botë sa vjen e rritet, numri i vdekjeve sa vjen e ulet. Qartazi virulenca e COVID-19 është në rënie të vazhdueshme dhe të qëndrueshme.
Duke qënë se ka shumë faktorë që ndikojnë në përhapjen dhe vdekshmërinë nga COVID, kjo është thjesht një indicije në kuadrin e shumë të tjerave (gjithashtu pozitive). Shpresoj që këto lajme të vazhdojnë dhe, mbi të gjtha, të konfirmohen edhe nga puna kërkimore dhe zbulimet shkencore.
BESOJ PËR DY OSE TRE JAVË DO TË MARRIM LAJMIN E MIRË QË PRESIM TË GJITHË PREJ KOHËSH!!!
