Një shpërthim i fuqishëm tronditi Tiranën mbrëmjen e djeshme.
Si pasojë janë shkaktuar vetëm dëme materiale në një lokal dhe hotel, përballë spitalit QSUT.
Ndërkohë policia ka dhënë dhe detaje për ngjarjen.
Në njoftimin zyrtar thuhet se më datë 30.05.2020, rreth orës 22:40, në një rrugicë të ndërmjetme midis një lokali dhe një hoteli në rrugën e “Dibrës”, ka shpërthyer një sasi e dyshuar si lëndë plasese.
Sipas informacioneve të policisë nuk ka asnjë të lënduar, por vetëm dëme të vogla materiale tek të dy objektet.
Ndërkohë vijon puna për zbardhjen e rrethanave të ngjarjes, identifikimin dhe kapjen e autorëve.
