TRAGJIKE/ Po punonte për ngritjen e një pallati, i riu goditet nga fadroma dhe humb jetën

Një ngjarje e rëndë është regjistruar vetëm pak minuta më parë në qytetin e Vlorës.

Një ri që ishte duke punuar në një kantier ndërtimi për të ngritur një pallat ka humbur jetën në rrethana ende jo shumë të qarta.

Ajo që ka bërë të ditur deri më tani policia është se i riu është goditur nga një mjet i rëndë fadromë, por pa hedhur dritë mbi shkaqet dhe rrethanat e ngjarjes.

Ky është punëtori i tretë që ndërron jetë brenda pak ditësh në kantieret e ndërtimit në Shqipëri.