Fundjava e parë pa kufizime në të gjithë vendin, ja çfarë ndalohet

Prej ditës së sotme, qytetarët do të mund t’i rikthehen jetesës normale por më të kujdesur për higjienën për shkak të situatës së pandemisë.

Kujtojmë nga dita e djeshme, që ministrja e Shëndetësisë njoftoi se duke filluar nga sot nuk do të ketë kufizime oraresh në të gjithë Shqipërinë, duke lejuar edhe bizneset që të qëndrojnë hapur pa asnjë problem.

Por, kufizime do të ketë dalja nga zonat e kuqe në ato të gjelbërta, të paktën deri të hënën kur edhe ky kufizim do të hiqet.

Që prej ditës së hënë, pra më 1 qershor do të happen kufijtë tokësorë me vendet fqinje si dhe do të rifillojnë aktivitetet sportive pa praninë e publikut, si dhe do të hapen kopshtet dhe çerdhet.

Por pa harruar që nga e hëna do të jenë të hapura dhe plazhet, por vetëm për hotelet, ndërsa për qytetarët do të hapen në datën 10 qershor.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Transporti publik mbetet ende i mbyllur, për të cilin po hartohet një protokoll i veçantë, siç njoftoi kryeministri Rama disa ditë më parë. Deri në 23 qershor do të ndalohet hapja e klubeve të natës, kinemave, pishinave, tubimet dhe organizimet e mëdha.