Përhapet virusi në zonat e gjelbra, infektohet një tregtar në Librazhd

Në Librazhd është konfirmuar rasti i parë me COVID-19.

Sipas të dhënave, i infektuari është shitës në treg, por është ende e paqartë mënyra sesi është infektuar. Librazhdi ka qenë zonë e gjelbër dhe nuk ka pasur asnjë të infektuar me koronavirus.

Është shqetësues fakti që personi ka patur kontakt me shumë njerëz pasi ka lëvizur i lirë.

I infektuari ka qenë ai që ka telefonuar fillimisht 127 pasi ka shfaqur simptomat.

Ndër të tjera, tashme Librazhdi futet në hartën e qyteteve të infektuara në Shqipëri.