“Jo vetëm do futemi, por edhe do fitojmë” Alibeaj i bindur që Partia Demokratike do hyjë në zgjedhje

Një dritë jeshile vjen së fundmi nga Partia Demokratike përsa i përket pjesëmarrjes në zgjedhjet parlamentare të vitit të ardhshëm.

Kështu, ish-deputeti demokrat ka thënë se forca politike që ai përfaqëson është e gatshme hyjë në zgjedhje.

I ftuar në programin “Pa protokoll” Alibeaj u shpreh se qeveria që kanë sot shqptarët nuk përfaqëson as 15 përqind të tyre.

Ai shton se opozita jo vetëm që do futet në zgjedhje por do t’i fitojë ato me çdo padrejtësi që mund t’i bëhet.

“Në një situatë të tillë, ku ka një qeveri që nuk përfaqëson as 15% të shqiptarëve, ne jo vetëm që do të futemi në zgjedhje, por me çfarëdolloj padrejtësie në këto zgjedhje, edhe më këtë kod, edhe me policinë. Ne do të fitojmë, publiku shqiptar do të jenë ata që do të rrëzojnë këtë lloj pushteti. Mund të përdorë krimin siç ka bërë në zgjedhjet e kaluara, ne besojmë se varfëria e madhe jep revoltën, tashmë pushteti është cullak në sytë e njerëzve ne besojmë fort te refuzimi i mllefit i njerëzit dhe për këtë arsye shqiptarët e kanë sot sensin për të kuptuar që këtë lloj regjimi do duhet rrëzuar me çdo kusht me përballje, ne do të jemi aty. Do t’u ofrohemi njerëzve me program dhe me ide. Ky është detyrimi minimal që opozita ka”, deklaroi ai ndër të tjera.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern