Gjykata Kushtetuese miratoi qeverinë e re, Vetëvendosje paralajmëron revolta kudo në Kosovë

Pas vendimit të Gjykatës Kushtetuese ditën e djeshme për t’i dhënë një mundësi mandatimi Abdullah Hotit nga LDK që të formojë qeverinë e re, në Kosovë priten zhvillime të ethshme politike.

Lëvizja Vetëvendosje që në zgjedhjet e fundit ishte partia më e votuar dhe lideri i saj, Albin Kurti personi me më shumë vota, pasi u rrëzua qeveria që krijuan në janar me LDK-në kërkuan që të bëhen zgjedhje të reja në vjeshtë.

Madje pati një protestë simbolikë në disa sheshe të Prishtinës. Por përkundër këtyre tubimeve, Gjykata Kushtetuese e Kosovës e mori vendimin për t’ia dhënë mundësisë koalicionit të ri LDK-AAK dhe partitë e tjera të vogla që ta nisin punën me kabinetin e ri të kryesuar nga Abdullah Hoti.

Pak orë para shpalljes së verdiktit, ky subjekt politik ka bërë edhe “provën gjenerale” për rezistencën në sheshet ku janë institucionet qendrore dhe tashmë rezistenca do të vazhdojë.