Përfshihet makina nga flakët në Laprakë, ja çfarë dyshohet

Ditën e sotme, një automjet është përfshirë nga flakët në zonën e Laprakës. Sipas njoftimit të policisë mësohet se nuk ka persona të lënduar.

“Më datë 28.05.2020, rreth orës 17:20, tek kryqëzimi i Laprakës, si pasojë e një defekti teknik ka marrë flakë në ecje mjeti me drejtues shtetasin K.V., ku ka vetëm dëme materiale.” – njofton policia.

Ndërkohë edhe ditën e djeshme një tjetër automjet u përfshi nga flakët në autostradë. Ngjarja ndodhi rreth orës 16:50, poshtë Q.T.U-së, ku si pasojë e një defekti teknik ka marrë flakë në ecje mjeti me drejtuese shtetasen K.I., por për fat pati vetëm dëme materiale.